Informámoslles de que o pasado 14 de Decembro do 2008, celebrouse unha Asemblea Extraordinaria, onde (entre outros puntos) acordouse:

-A partir desta data, estarán á súa disposición nas oficinas de Crédito da Cooperativa o impreso para solicitar ser socio de pleno dereito da Cooperativa, a todas as persoas que non se fixesen socios até esta data.

Facer os socios de pleno dereito,vén obrigado pola Lei de Cooperativas do 5/1998.Todos os que non se fagan socios de pleno dereito, chamaranse terceiros (pola propia lei) aínda que poderán usar todos os servizos da Cooperativa pero como clientes.

Todos os que se fagan socios de pleno dereito antes do 30 de Abril do 2009 respectaráselles ou mellorará o Nº antigo, tanto os titulares como os herdeiros dos socios que falecesen. A partir da data do 30/04, os números serán dados na orde que se fagan socios de pleno dereito. Aos socios entregaráselles un título onde aparece o novo número e a cifra de 120,20 Euros achegados ao capital, e uns cartóns de identificación, para poder asistir ás asembleas ou outras xestións nas que se necesitase. O capital achegado será devolto ao socio no momento que cause baixa na Cooperativa.

VANTAXES DO SOCIO DE PLENO DEREITO

- Poderá asistir ás Asembleas con voz e voto.
- Poderá pertencer ao Consello Reitor ou a calquera outro órgano da Cooperativa.
- Pagaranse os xuros dos 120,20 Euros por valor oficial do diñeiro, que serán ingresados no caderno da sección de crédito.
NOTA: Este ano pagaranse todos os atrasos dos xuros xerados polo capital social achegado polos actuais socios de pleno dereito.
- Ingresarase anualmente no caderno da sección de crédito un 2 % de todas as compras que faga o socio o longo de todo o ano.
- Continuaremos buscando melloras, que beneficien especialmente os socios de pleno dereito.

O Consello Reitor

A cooperativa de O Val loce unha nova imaxe, froito dunhas obras iniciadas no pasado mes de xuño e que contan cun orzamento de preto de cen mil euros. Os traballos obedecen á necesidade de dar un lavado de imaxe á fachada do edificio da cooperativa.

Os dirixentes da agrupación de O Val levaban tempo con esta idea na cabeza, pero foi coa construción e posterior posta en marcha do Fogar dos Maiores Terra de *rasancos, a finais do pasado ano, cando viron a necesidade de «armonizar os exteriores de ambas instalacións», que están separadas só por uns metros.

Así, os operarios da empresa que se encargou de realizar as obras revestiron as paredes de pedra ata unha altura duns catro metros. No resto da fachada, colocaron un panelado exterior de alucubón, material composto de aluminio e aceiro. Anteriormente, os exteriores, de cemento, estaban pintados en branco.
No marco desta mesma actuación, a directiva da agrupación de O Val instalou na marxe da estrada un gran cartel que anuncia a cooperativa. «Pensamos que polo peso que a entidade ten na comarca, merecíase unha fachada decente, en condicións».

A directiva da cooperativa de O Val ten pendente acometer máis adiante unha segunda fase desta actuación, no interior do edificio, para modernizar e ampliar as oficinas e despachos.